06 ноя 09:03
Янгиликлар

Тадбирлар

Бухорода «Ёшлар ҳафталиги» доирасида спорт тадбирлари ўтказилди

Когон туман болалар ўсмирлар спорт мактаби марказий ўйингоҳида 5 та муҳим ташаббуснинг 2- йўналиши ижросини таъминлаш ҳамда «Ёшлар ҳафталиги»ни муносиб тарзда ўтказиш мақсадида спортнинг футбол, баскетбол, стол тенниси, тош кўтариш каби спорт турларидан вилоят очиқ биринчилиги мусобақалари бўлиб ўтди.

Ушбу мусобақаларда 100 нафардан ортиқ спортчилар иштирок этишди. Асосан футбол спорт тури бўйича 2005-2006, 2007-2008 йилларда туғилган ўғил болалар, баскетбол спорт тури бўйича 2010-2011 йилларда туғилган болалар, стол тенниси бўйича 2009-2011 йилларда туғилган болалар, тош кўтариш бўйича 2008-2009 йилларда туғилган болалар ўртасида мусобақалар ҳамда бадиий гимнастика бўйича кўргазмали чиқишлар ташкил этилди.

Мусобақаларда иштирок этиб ғолиб бўлган барча спортчилар Бухоро вилоят Жисмоний тарбия ва спорт бошқармаси томонидан ажратилган диплом ва медаллар ҳамда Когон туман ҳокимлиги томонидан ажратилган кубок ва эсдалик совғалари билан тақдирландилар.