Косонда «Янги Ўзбекистон – янгича дунёқараш» ғояси остида тарғибот тадбирлари бошланди

Мазкур тадбирдан кўзланган асосий мақсад, мамлакатимизда амалга оширилаётган ислоҳотларнинг мазмун-моҳияти ва аҳамиятини кенг жамоатчиликка етказиш, жойларда ўтказилаётган тарғибот тадбирларида аҳолининг барча қатламларини тўла қамраб олишдан иборатдир.

Бундай тарғибот тадбирларининг дастлабкиси тумандаги «Нартибаланд» МФЙ ҳудудида, мазкур маҳалла аҳолиси иштирокида ўтказилди. Тадбир доирасида туман марказий ўйингоҳида маҳалла ёшлари иштирокида футбол мусобақаси, шунингдек, Амир Темур хиёбонида спортнинг шахмат ва стол тенниси турлари бўйича 7 ёшдан 70 ёшгача бўлган аҳоли иштирокида мусобақалар ташкил этилди.

Бундан ташқари Мусиқа ва санъат мактабида туман ҳаётидан ҳикоя қилувчи видеофильм намойиш этилган бўлса, кейин ёш истеъдод эгалари ўзларининг саҳна чиқишлари билан кўпчиликка аъло кайфият улашди. Шу билан бирга, рассомчилик билан шуғулланувчи истеъдод эгаларининг чизган намуналари тадбирни янада безади.