UZ

Сўнгги янгиликлар

13:30Шон Стрикленд UFC'ни жиддий танқид остига олди. Бунга сабаб қўлқоплар! 0 13:09"Манчестер Сити" "Реал" юлдузи билан шартнома тузмоқчи 0 12:48Элина Свитолина "Ролан Гаррос" учинчи даврасида 0 12:27Дзюдо бўйича Ўзбекистон кубогида умумжамоа ҳисобида совриндор учлик қандай кўринишда бўлди? 0 12:06Ислам Махачев Конор Макгрегорга "ответ" қилди 0 11:45Ханс-Дитер Флик "Барселона"даги режалари билан ўртоқлашди 0 11:24Конор Ислам Махачевга ташхис қўйди + ФОТО 0 11:03Жокович "Ролан Гаррос" чемпионлик ҳимоясини давом эттирмоқда 0 10:42Бугун Навбаҳор Ҳамидова Олимпиада лицензион турнирида рингга чиқади 0 10:21ЦСКА собиқ футболчиси: "Аббосбек Файзуллаевни 10 миллиондан камига сотмаслик керак!" 0 10:00Нодирбек Якуббоев Aktobe Open 2024 етакчилари сафига қўшилиб олди 0 09:39ХОҚдан жавоб! IBA'га аъзо мамлакатлар Лос-Анжелес 2028 Олимпиадасида иштирок этмайди, жумладан Ўзбекистон ҳам! 0 09:18Ўзбекистонлик боксчи лицензион турнирда Озарбайжон таркибида иштирок этмоқда 0 08:57Бугун Суперлигада пойтахт вилояти дербиси бор 0 08:36Ўзбекистон кубогининг сўнгги куни оғир вазнда ғолиблар аниқланди + ФОТО 0

16 янв 10:51
Янгиликлар

Волейбол

Ўзбекистон волейбол федерациясига янги Бош котиб ва Ижроқўм аъзолари сайланди

Жисмоний тарбия ва спорт вазирлигида Ўзбекистон волейбол федерациясининг навбатдан ташқари Конференцияси ўтказилди.

Унда федерация раиси, Жисмоний тарбия ва спорт вазири Дилмурод Набиев, Жисмоний тарбия ва спорт спорт вазирининг биринчи ўринбосари Равшан Эрматов, Ўзбекистон волейбол федерациясининг бош ҳомийси – Олмалиқ кон-металлургия комбинати бошқаруви раисининг ижтимоий масалалар бўйича ўринбосари Улуғбек Фаёзов, федерация Ижроқўм аъзолари ҳамда оммавий ахборот воситалари ходимлари иштирок этди.

Навбатдан ташқари Конференцияга делегат сифатида Ўзбекистон волейбол федерациясининг Қорақалпоғистон Республикаси, вилоятлар ва Тошкент шаҳар ҳудудий филиали раҳбарлари, Ўзбекистон чемпионатида иштирок этувчи волейбол клубларидан вакиллар, Волейбол федерациясининг фахрийлар кенгаши, ҳакамлар ва мураббийлардан иборат жами 65 нафар делегат сайланган ва Ўзбекистон волейбол федерациясига тақдим этилганди. Шуларнинг 54 нафари Конференцияда қатнашган бўлса, 11 нафари узрли сабабларга кўра иштирок этмади. Шунингдек, Конференцияда худудий федерациялар вакиллари ZOOM платформаси орқали онлайн тарзда қатнашишди.

Конференция кун тартибидан қуйидаги масалалар ўрин олган эди:

1. Ўзбекистон волейбол федерациясининг Раёсат таркиби аъзоларини сайлаш;

2. Ўзбекистон волейбол федерациясининг Ижроқўм аъзоларини сайлаш;

3. Ўзбекистон волейбол федерациясининг Вице-президенти ҳамда Бош котибини сайлаш;

4. Ўзбекистон волейбол федерациясининг Низомига қўшимчалар киритиш ва янги таҳрирда тасдиқлаш;

5. Ўзбекистон волейбол федерацияси томонидан 2021 йил мавсумида ўйинчиларнинг клубдан клубга ўтиши, лицензияларни рўйхатдан ўтказиш, интизом қоидалари.

6. Турли масалалар.

Таъкидлаш керак, йиғилиш кескин ва танқидий руҳда ўтди. Хусусан, Д.Набиев федерация раиси этиб сайланганидан буён ўтган давр мобайнида амалга оширилган ишлардан кўнгли тўлмаётгани, мамлакатимизда волейболни оммалаштириш борасида қилинаётган ишлар талаб даражасида эмаслигини алоҳида таъкидлади.

Волейбол юртимиздаги энг севимли ва оммалашган спорт турларидан саналади. Жорий йил мамлакатимиздаги 7 500 дан ортиқ умумтаълим мактабларига волейбол спорти жиҳозлари, яъни коптоклар ва тўр(сетка)лар етказиб берилади. Бу эса ушбу Олимпия спорт турининг янада ривожланишига хизмат қилиши таъкидланди.

Шунингдек, волейболни жойларда янада ривожлантириш мақсадида ҳар бир туманда 2-3тадан умумтаълим мактабини волейбол спортига ихтисослаштириш таклифи илгари сурилди.

Конференция кун тартибидаги масалалар орасида энг муҳимларидан бири – бу Ўзбекистон волейбол федерациясига Бош котибни сайлаш бўлиб, Д.Набиев ушбу лавозимга шу кунгача Спорт ўйинлари бўйича Республика олий спорт маҳорати мактаби методисти лавозимида ишлаб келган Хусан Насруллаев номзодини илгари сурди. Конференция иштирокчилари бир овоздан ушбу номзодни маъқуллашди.

Қолаверса, Конференцияда Ўзбекистон волейбол федерациясига махсус база қуриш, бунинг учун пойтахтимиздаги Республика Олимпия захиралари коллежи ҳудудидан алоҳида жой ажратилиб, волейбол спортига мослаштирилаётгани ва тез орада ушбу база мамлакатимиз волейболчилари ихтиёрига топширилиши айтиб ўтилди.

Бундан ташқари, олий таълим муассасаларида волейбол спортини ривожлантириш, мамлакат чемпионатида иштирок этувчи институт ва университетлар жамоаларини кўпайтиришга жиддий эътибор қаратиш кераклиги алоҳида таъкидланиб, бу терма жамоа мураббийларига селекция ишларини кучайтиришда қўл келиши таъкидланди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг