Расман. Хотамбек Бойназаров Octagon лигаси билан шартнома имзолади. Унинг илк жанги санаси ва рақиби маълум

Бу ҳақда лига матбуот хизмати хабар бермоқда.

Ҳамюртимизнинг навбатдаги жанги санаси ва рақиби ҳам эълон қилинди. Унга кўра, Бойназаров 23 декабрь куни Олма-Ота шаҳрида ўтказиладиган Octagon 53 мусобақаси доирасида жанг қилади. Хотамбекка ўша куни озарбайжонлик Эмин Шарипов (4-1-0) рақиблик қилади.

Шунингдек, Octagon 53 мусобақасида яна бир ўзбекистонлик жангчи - Анвар Абдуллаев чемпионлик камари учун жанг қилади.

Эслатиб ўтамиз, Хотамбек Бойназаров сўнгги жангини 2023 йил 26 август куни UAE Warriors 44 турнири доирасида франциялик Микаил Байрамга (6-3-0) қарши ўтказиб, муддатидан олдин ғалаба қозонган эди.