Волейбол бўйича аёллар ўртасида Ўзбекистон чемпионати якунланди

Тошкентда ўтказилган волейбол бўйича аёллар жамоалари ўртасида 4-тур ўйинлари билан жорий йилги мамлакат чемпионати ўз якунига етди. Унда Ўзбекистон давлат жисмоний тарбия ва спорт университетининг СКУФ жамоаси ғолибликни қўлга киритди.

4-турда улар 6та ўйиндан 5тасини ўз фойдаларига ҳал қилди, фақат Нукус давлат педагогика институтининг волейболчи қизлари ЎзДЖТСУ талабаларидан устун келишди. Айнан ушбу ғалаба якунда нукусликларнинг кумуш медалга сазовор бўлишини ҳам таъминлаб берди. Улар бронза медали соҳиби бўлган “Андижон” жамоасидан 2 очкога узиб кетишди. Кучли учликни эса андижонлик волейболчи қизлар якунлаб беришди.

Чемпионат якунида 43 очко жамғарган “Наманган” жамоаси 4-ўрин билан чекланган бўлса, кейинги ўринларни мос равишда “ЖДПИ-Зиёкор” (Жиззах), “Хоразм” ҳамда Фарғона давлат университети жамоалари банд этишди. Фарғоналиклар чемпионат давомида биронта ҳам очко жамғара олишмагани ачинарли ҳол албатта.

Мусобақа тугагач, чемпионат ғолиб ва совриндорлари медаль ҳамда тегишли дипломлар билан тақдирланишди.

Волейбол бўйича аёллар ўртасида Ўзбекистон XXVIII миллий чемпионати.

Якуний ҳолат

Т/р Жамоаларнинг номи Очко

1 СКУФ 66

2 НДПИ (Нукус) 54

3 “Андижон” 52

4 “Наманган” 43

5 “ЖДПИ-Зиёкор” (Жиззах) 19

6 “Хоразм” 18

7 ФарДУ (Фарғона) 0