ХОҚ 2025 йилгача “Йўл харитаси”ни ишлаб чиқди

Янги “Йўл харитаси” 2014 йилда қабул қилинган «Олимпия кун тартиби – 2020”га асосланади ва унинг меросхўри ҳисобланади. У ХОҚ фаолияти ва Олимпия ҳаракатини 2025 йилгача тартибга солади. «Олимпия кун тартиби – 2020 + 5» ҳамкорликнинг инклюзив жараёни доирасида ишлаб чиқилган ва коронавирус пандемиясидан кейинги даврда ҳал қилувчи аҳамиятга эга бўладиган энг муҳим йўналишларга асосланган.

“Биз 2014 йилда «Олимпия кун тартиби – 2020″ни қабул қилганимизда унинг шиори “Ўзинг ўзгар ёки сени дунё ўзгартиради” бўлган эди. Бу ҳозирги кунда ҳам адолатлидир. Чунки ўзимизни ўраб турган дунё ривожланишда давом этмоқда. Шу кунда вазият қанчалар мураккаб бўлиб кўринмасин, агар биз тўғри хулосалар чиқара олсак, уларни имкониятга айлантира оламиз. Бунинг учун дарҳол келажак режалари билан шуғулланишимиз зарур”, – деди ХОҚ президенти Томас Бах.

«Олимпия кун тартиби – 2020 + 5″нинг “Йўл харитаси” ХОҚ аъзоларига муҳокама қилиш ва шу йил март ойида бўлиб ўтадиган ташкилотнинг 137-Сессиясида қабул қилиниши учун тақдим этилади.