«Бундан яхшироқ нима бўлиши мумкин?» Тез орада Дана Уайтнинг орзуси амалга ошади

«Дахшат» ва «Яхши йигит» тайёр. Тошкент вақти билан 22 январдан 23 январга ўтар кечаси Анахайм (Калифорния, АҚШ) шаҳридаги "Honda Center" аренасида UFC 270 турнири бўлиб ўтади. Оғир вазн тоифаси чемпиони Фрэнсис Нганну ва вақтинчалик чемпион Сирил Ган асосий жангда тўқнашади. Бу 2022 йилда энг кутилган жанглардан биридир. Аммо асосий карддан ташқари, эътиборга арзийдиган бошқа жанглар ҳам бор.

Нганну ва Ган ўртасидаги жанг қачон бўлади? 

Жанг 23 январь куни Тошкент вақти билан соат 9:30 дан кейин бошланади. Дастлабки карддаги жангларнинг бошланиши Тошкент вақти билан 4:00 га белгиланган.

Турнирда оғир вазн тоифасидаги чемпионлик жангидан ташқари бошқа кўплаб қизиқарли жанглар ҳам бўлиб ўтади. Енгил вазн тоифаси чемпиони Брэндон Морено ва собиқ чемпион Дейвисон Фигейредо учинчи бор тўқнаш келишади. Ўтган сафар мексикалик спортчи бразилияликдан камарни олиб қўйган ва энди чемпионликни қайтаришни истамоқда.

Ярим енгил вазн тоифасида 13-ўринни эгаллаб турган россиялик Мовсар Евлоев енгилмас грузиялик - Илия Топурияга қарши октагонга чиқади. Оқшомда жанг қиладиган россияликлар спортчилар рўйхати битта Евлоев билан чекланиб қолмайди. У билан бирга асосий кардда Алексей Олейник ва Саид Нурмагомедов ҳам иштирок этади. Олейник рекорди 7-4 бўлган Грег Харди билан тўқнаш келади. Нурмагомедов эса Алжэмейн Стерлинг ва Мераб Двалишвили билан жангларда тажрибага эга бўлган Коди Стаманга қарши жанг ўтказади.

UFC 270 турнирининг асосий карди

Фрэнсис Нганну – Сириль Ган

Брэндон Морено – Дейвисон Фигейреду

Мовсар Евлоев – Илия Топурия

Грег Харди – Алексей Олейник

Коди Стамин – Саид Нурмагомедов

Дастлабки кард  

Родолфу Виейра – Веллингтон Турман

Тони Грейвли – Саймон Оливейра

Полиана Ботельо – Жи Ён Ким

Раони Барселос – Тревор Джайлс

Мэтт Фревола – Женаро Вальдес

Кай Хансен – Жасмин Ясудавичус

Бу рақиб Нганнунинг зарбаларидан қочиб қутула оладими? 

Фрэнсис Нганну бешта жангдан буён нокаутли серия қайд этмоқда. У биринчи ёки иккинчи раунднинг дастлабки дақиқаларидаёқ рақибларини янчиб ташлади. Камерунлик жангчи бу муваффақиятга "Xtreme Couture" спорт залида эришди ва уни Париж кўчаларидан олиб кетиб шу даражага олиб чиққан мураббийи Фернанд Лопес билан хайрлашди. Лопеснинг кетиши шу қадар шов-шувли бўлдики, можаро ҳалигача барҳам топгани йўқ.

Шунга қарамай, Фрэнсис ўзининг зарба кучига қаттиқ ишонади. Бироқ, «Дахшат»нинг нокаут зарбасидан бошқа таклиф қиладиган ҳеч нарсаси йўқ, чунки у бутун жанг давомида етарлича яхши ҳаракат қилмайди, у биринчи жангда Стип Миочич ва ҳатто Дэррик Льюисга ютқазди. Шу нуқтаи назардан қараганда, Лопеснинг кетиши тушунарли.

Шу билан бирга, камерунлик янги спорт залида олдингидек ўз муштига таяниб, на кураш, на кардио билан шуғулланмайди. Ўтган жангларда у универсал ҳаракатга эга бўлмаган жангчиларни учратди (Розенстрайк, Бладес, дос Сантос, Веласкез). Ган – бу янги даража, Фрэнсис ҳали бундай қаршиликка дуч келмаган. Шунинг учун, Нганну кўп нарсаларни тартибга солиши керак, акс ҳолда у камарини йўқотади ва эҳтимол, Тайсон Фюрини энди қизиқтирмайди.

Ган Нганнунинг такомиллаштирилган вариантими? 

Сириль Ган ҳам Фернанд Лопеснинг тарафида. Лопес бир вақтлар Ганнинг Нганну билан спарринг ўтказганини айтди.

Бундан ташқари, унинг сўзларига кўра, Ган камерунликнинг жигарига тизза билан зарба берган. Ҳох ишонинг хоҳ ишонманг, Сириль - Нганнунинг илғор талқинидир. Француз нафақат кучли зарба беради, балки ўрта вазн тоифасидагилар каби оёқларида ҳам осон ҳаракат қилади. Икки йил ичида Сирил дос Сантос, Розенстрайк, Волков ва Льюисни мағлуб этиб, дивизионнинг энг юқори поғонасига кўтарилди.

Ган - серқирра жангчи. Унинг базаси кикбокс, рақибларини нафақат қўллари, балки оёқлари билан ҳам ўққа тутади. Бундан ташқари, Сириль курашга мурожаат қилиб тейкдаунлар амалга оширади. У мукаммал чидамлиликка эга. Росенстрике ва Волков билан тўлиқ беш раундлик жангларда буни исботлаган.

Сириль ва Фрэнсис ўртасидаги асосий фарқ - бу интизом, яъни меҳнатсеварлик. Маълумки, «Дахшат» Лопесни кўпинча тингламаган, ўз жанг режасини бажармаган ва фақат инстинктларига таянган. Сириль эса мураббийнинг ғояларини қатъият билан амалга оширади. Ганнинг машаққатли меҳнати ва ўз ишига фидойилиги туфайли UFC'да икки йил ичида камарга эришган бўлса, ажабмас. 

Жанг учун экспертлар тахмини

Бу оғир вазн. Бу ерда ҳамма нарсани бир зарба билан ҳал қилиш мумкин. Иккала жангчининг ҳам муштларида динамит бор. Аммо, агар Нганну фақат зарба бериш кучига таянса, Ган ҳали ҳам ўз техникаси билан ажаблантириши мумкин. Французнинг жанговар IQ даражаси юқори, чунки унинг барча ҳолатлар учун бир нечта режалари бор. Бироқ, ғолибни олдиндан айтиш жуда қийин. Александр Волков яқинда берган интервьюсида бу ҳақда гапирди.

«Эҳтимол, 50/50. Айтайлик, Нганну аслида октагонга жуда ишончли чиқади ва рақибларини мағлуб этади. Агар у тезликни ошириб, рақибига зарба бера олса, рақибининг қочадиган жойи қолмайди. Аммо, Ган ҳужумлардан қочишни жуда яхши билади, яъни уни ушлаш, уриш қийин. Шу нуқтаи назар билан айтишимиз мумкинки, уларнинг иккаласи ҳам ажойиб зарбага эга. Ганнинг устунлик томони шундаки, уни Нганну билан бирга ишлаган мутахассис тайёрлаган. Шундай қилиб, бу қизиқарли ҳикоя. Мен бу жангни завқ билан томоша қиламан» - деди Волков.

UFC президенти Дана Уайт бу жанг учун тахмин билдирмади, бироқ унинг учун бу 2022 йилдаги энг кутилган жанг эканлигини таъкидлади 

«Айни дамда мен Сириль Ган ва Фрэнсис Нганну ўртасидаги жангни интиқлик билан кутяпман. Оғир вазнда ўз карьераларининг чўққисида турган икки жангчи учрашуви. Улардан бири оёқда ажойиб ишлайди, иккинчиси бузғунчи зарбага эга. Бундан яхшироқ нима бўлиши мумкин?» - деди Уайт.

Фрэнсис Нганну - Кирил Ган жанги натижалари 

Фрэнсис Нганну ва Сириль Ган ўртасидаги жанг натижаси агар жанг эртароқ якунланмаса, 5 раунддан кейин маълум бўлади. Ган сўнгги бешта жангдан учтасини тўлиқ давом эттирган. Нганну эса охирги бешта жангнинг барчасини биринчи ёки иккинчи раундда якунлади. Демак, жанг муддатидан аввал якунланишини кутишга ҳақлимиз. Кутишга кўп вақт керак бўлмайди, «Дахшат» ва «Яхши йигит» аллақачон ўз маҳоратларини намойиш этишга тайёр, яъни Дана Уайтнинг орзуси рўёбга чиқиш арафасида.

Сарвиноз РАХМОНҚУЛОВА таржимаси.