28 апр 19:59
Янгиликлар
Бошқалар
«Кичик Олимпиада»нинг энг сўнгги мусобақаси ғолиблиги мезбонларга насиб этди
Фарғона вилояти мезбонлик қилган ўқувчи-ёшлар ўртасида стол тенниси бўйича «Баркамол авлод-2022» спорт ўйинларининг республика финал босқичи ўз якунига етди.
Фарғона шаҳридаги «Само» спорт мажмуасида бўлиб ўтган мусобақалар 3 кун давом этди ва ушбу мусобақа ўзига хос «Кичик Олимпиада»нинг энг сўнггиси эди.
Республикамизнинг 14 та ҳудудидан академик лицей ва профессионал таълим муассасаларининг 100 нафардан ортиқ ўқувчи-ёшлари иштирокида ўтказилган мусобақада спортчи ёшлар ўғил болалар ва қизлар тоифасида ўзаро кураш олиб бордилар.
Мусобақа якунига кўра, умумжамоа ҳисобида Фарғона вилояти спортчи ёшлари биринчи ўринни қўлга киритишди. Самарқанд вилояти вакиллари 2-ўринни эгаллаган бўлса, мусобақанинг 3-ўрини сирдарёлик ёшларга насиб этди.
Ғолиб ва совриндорлар ташкилотчилар томонидан қимматбаҳо совғалар билан тақдирландилар.
Ҳавола :
Манба : Спортни ривожлантириш вазирлиги
Фикрлар