Украиналик спортчиларга Олимпиада вақтида россияликлар билан сўрашмаслик ва суратга тушмаслик тавсия қилинмоқда

Украина Миллий Олимпия қўмитаси президенти Вадим Гутцайтнинг айтишича, Париж Олимпиадаси вақтида атлетларга россияликларни табрикламаслик, улар билан битта суратда бўлмаслик, бирга интервью бермаслик ва сўрашмаслик тавсия қилинади. 

"Ҳозир сўнгги масалаларни муҳокама қилмоқдамиз ва протокол тасдиқланади", - деди Украина МОҚ раҳбари. 

Олимпия ўйинлари 26 июль - 11 август кунлари ўтказилади. Россияликлар мусобақада нейтрал мақомда иштирок этишади.