Hakamlik mavzusida yig'ilish o'tkazildi + FOTO

Federaciya raisi o'rinbosari Zafar Qahramonov rahbarligida o'tgan tadbirda  O'zbekistonda dzyudo hakamligini yangi bosqichga ko'tarish, xalqaro toifadagi referilar sonini oshirish, hakamlar uchun turli seminarlar tashkil etish kabi dolzarb masalalar muhokama qilindi. 

Bugungi kunda Ramziddin Saidov va Vyacheslav Pereteyko olimpiya toifasidagi referi sifatida faoliyatlarini davom ettirmoqda. Saidov Tokio Olimpiya, Pereteyko Paralimpiya o'yinlarida hakamlik qilishga muvaffaq bo'ldi. 

Yig'ilishda olimpiya toifasidagi hakamlar sonini ko'paytirish masalasiga ham urg'u qaratildi. Yaqinda Qozog'istonning Almati shahrida IJF tomonidan A hakamlik toifasi uchun o'tkazilgan seminarda hakamlarimizdan Qahramon Uzoqov, Timur Muhammedxanov va Alisher Korganovlar ham muvaffaqiyatli tarzda qatnashishgan edi.