21 fev 07:02
Yangiliklar

O'q otish

Xorazmda sara merganlar saralandi + FOTO

O'zbekiston Respublikasi mudofaasiga ko'maklashuvchi “Vatanparvar” tashkiloti Xorazm viloyati kengashi hamda viloyat texnik va amaliy sport turlari markazi tomonidan Urganch tumani o'quv sport texnika klubining o'q otish tirida 2003 yilda tug'ilgan va undan kichik yoshdagi sportchilar o'rtasida pnevmatik quroldan o'q otish sporti bo'yicha Xorazm viloyati kubogining birinchi bosqichi uyushtirildi.

Mazkur musobaqada vohaning 17 ta jamoasidan 70 nafarga yaqin o'g'il-qiz merganlik mahoratini namoyish etdi.

Yakuniy sarhisoblarga ko'ra, quyidagilar shohsupadan o'rin olishdi:

Pnevmatik miltiqdan o'q otish birinchiligi

Qizlar. 1-o'rin. Sevara Abdullaeva (SHovot tumani O'STK). 2-o'rin. Nidufar Yuldasheva (Bog'ot tumani O'STK). 3-o'rin. Kumushoy Rajabova (Urganch tumani O'STK).

O'g'illar. 1-o'rin. Diyorbek Ochilov (VTASTM). 2-o'rin. SHahzod Saparboev (Qo'shko'pir tumani O'STK). 3-o'rin. Temurbek Abdullaev (Urganch tumani O'STK).

Pnevmatik to'pponchadan o'q otish birinchiligi

Qizlar: 1-o'rin. Risolat Qurbonova (Urganch tumani O'STK). 2-o'rin. SHukurjon Adamboeva (SHovot tumani O'STK). 3-o'rin. Laylo Sultonova (Bog'ot tumani O'STK)

O'g'illar: 1-o'rin. SHohruh Yusufboev (Urganch tumani O'STK). 2-o'rin. Xolbek Allayarov (Xiva tumani O'STK). 3-o'rin. Bekzod Komilov (SHovot tumani O'STK)

Umumjamoa hisobida Urganch tumani o'quv sport texnika klub jamoasi shohsupaning birinchi pog'onasiga ko'tarildi. SHovot tumani o'quv sport texnika klubi ikkinchi, Bog'ot tumani o'quv sport texnika klubining yosh merganlari uchinchi o'rinni band etishdi.

Musobaqaning yopilish marosimida O'zbekiston Respublikasi mudofaasiga ko'maklashuvchi “Vatanparvar” tashkiloti Xorazm viloyati kengashi raisi Davronbek Ibragimov, viloyat texnik va amaliy sport turlari markazi direktori Odilbek Ibragimovlar qatnashib, g'olib va sovrindor sportchilarni erishgan yutuqlari bilan qutlashdi. Ularni tegishli darajadagi diplom va sovg'alar bilan taqdirlashdi.

Mazkur musobaqa doirasida pnevmatik to'pponcha va miltiqlar, sport velosipedlari va motocikllar, karting va parashyut sporti anjomlari ko'rgazmasi ham tashkil etildi. O'z navbatida ushbu ko'rgazmadan yaqin atrofdagi talim muassasalari o'quvchilari, sportning texnik va amaliy turlariga qiziquvchan ko'plab yoshlar bahramand bo'lishdi, soha mutaxassislaridan kerakli malumotlar olishdi.